Ազատամարտիկի
Հիշատակարան
Ք․ Արմավիրի « Նժդեհ »ջոկատի նախկին հրամանատար Ազատ Կառլենի Հովհաննիսյանից:
Փոքր վերլուծություն ք․ Վանաձորի « Նժդեհ » ջոկատի հրամանատար Արշալույս Փայտյանի, նրա տեղակալ Ռոդեն Պողոսյանի և այլոց դեմ քրեական գործերը 4 անգամ փակելու մասին։
1) 1993թ. նոյեմբերին իմ՝ ք․ Արմավիրի «Նժդեհ» ջոկատի հրամանատար կապիտան Ազատ Հովհաննիսյանի զեկուցմամբ, ՀՀ Ռազմական ոստիկանությունը ( քննիչ Լ. Հայրապետյան...) քրեական գործ հարուցվեց ք. Վանաձորի «Նժդեհ» ջոկատի հրամանատար կապիտան Արշալույս Փայտյանի եւ նրա տեղակալ-կապիտան Ռոդեն Պողոսյանի․․․ դեմ, որոնք մեղավորություն ունեն Արցախյան պատերազմի ժամանակ Հարութ Սավադյանի անվերադարձ գերեւարվելու մեջ։ Ես որպես դաշտային հրամանատար Հարութ Սավադյանի համարել ու համարում եմ իմ լավագույն մարտիկներից մեկը, որը գերևարվեց Ֆիզուլու շրջանի մարտերի ժամանակ այդ թվում կամավորականներ Պետրոսյան Աշոտի, Կամո Հովհաննիսյանի «պատահական» զոհվելու, դրամական միջոցների, զենք-զինամթերքի դուրս գրումների և վաճառքի համար, այդ թվում անօրինական ադրբեջանցի ռազմագերիների վաճառքների համար, որոնց մենք պետք է փոխանակեինք մեր գերևարված մարտիկների ետ բերելու համար:
— 1993-ի դեկտեմբերին, ՊՆ նախարարի օգնական Ալիկ Պետրոսյանի հրամանով գործը փակվեց:
2) 1996-ին, ինչ-որ անհասկանալի վաստակի համար Արշալույս Փայտյանը դարձավ փոխգնդապետ, իսկ իր տեղակալ՝ Ռոդեն Պողոսյանի հետ միասին ուղարկեցին ՌԴ Ակադեմիա ուսանելու։
3) 1997 թվականին Արշալույս Փայտյանը Ռոդեն Պողոսյանի հետ ավարտել է ՌԴ ռազմական ակադեմիան:
4) 1998 թվականին Արշալույս Փայտյանը նշանակվել է ՀՀ ռազմական ինստիտուտի պետ:
5) 1998-1999 թվականներին գալով իշխանության, զենք, զինամթերքների վաճառքի, և այլ հանցագործությունների համար, Ռոբերտ Քոչարյանը քրեական գործեր հարուցելով, ձերբակալեցին Արշալույս Փայտյանին և նրա ամբողջ թիմին։
Այդպիսով` Ռ․ Քոչարյանը տեղյակ էր, թե ինչով էր զբաղվում Արցախում և Հայաստանում Արշալույս Փայտյանւ իր թիմակիցների հետ։
6) 2000 թվականին Նախագահ Ռոբերտ Քոչարյանը « բարեկամությամբ » ազատ արձակեց Արշալույս Փայտյանին և նրա ամբողջ թիմին, կրկին փակեց քրեական գործը և նրան նշանակեց ՊՆ 3-րդ կորպուսի հրամանատար։
7) 2001 թվականին իր համար գործակալ դարձնելու նպատակով Ռոբերտ Քոչարյանը Փայտյանին շնորհեց գեներալ մայորի կոչում։
8) 2003 թվականին Ռ․Քոչարյանը Ա․Փայտյանին նշանակեց ՊՆ 1-ին կորպուսի հրամանատար։
9) 2005 թվականին Ռ․Քոչարյանը Ա․ Փայտյանին նշանակել է 4-րդ կորպուսի հրամանատար։
10) 2006 թվականին Ռ․Քոչարյանը Ա․ Փայտյանին նշանակել է ՀՀ գլխավոր շտաբի պետի տեղակալ։
Բնականաբար այս բոլոր տարիների ընթացքում գնդապետ դարձնելով՝ Ռ․Քոչարյանի հովանու ներքո, Ա․Փայտյանը իր հետևից քարշ տվեց Ռոդեն Պողոսյանին։
Իսկ թէ ո՞րն է մինչ այսօր ՀՀ նախկին նախագահ Ռ․ Քոչարյանի այսքան մեծ հետաքրքրությունը քրեական գործերը փակելով, պաշտոններ, աստղեր նվիրելով Ա․ Փայտյանին և Ռ․ Պողոսյանին, որոնք ողջ պատերազմի ընթացքում 1992-1993 թվերին թաքստոցներից դուրս չգալով նույնիսկ 1 փամփուշտ չկրակեցին հակառակորդի ուղղությամբ, պետք է պարզեր ԱԱԾ-ի քննիչ ավագ լեյտենանտ Բալյանը, քննչական դեպարտամենտի պետի տեղակալ գնդապետ Գրիգորյանը, Ա․ Վանեցյանի գլխավորությամբ, սակայն հապշտապ քրեական գործը փակելով, չուզեցին, այն ավարտել, անգամ չցանկացան, որովհետև քննություն որի ընթացքում հանցավոր խմբի հանցանքը կբացահայտվեր։
11) 2009 թվականին Սերժ Սարգսյանը Ա. Փայտյանին շնորհել է գեներալ լեյտենանտի կոչում։
12) 2012 թվականին աչք փակելով նախորդ բոլոր հանցագործությունների վրա Սերժ Սարգսյանը զինված ուժերից հեռացրեց գեներալ լեյտենանտ Ա․ Փայտյանին ( միայն գոմեշի մսի գործով կատարվածին )։
Իսկ հետո անմիջապես պաշտպանության նախարար Սեյրան Օհանյանը գեներալ լեյտենանտ Ա․Փայտյանին վերադարձրեց որպես իրեն խորհրդական:
13) 2018 թվականի հուլիսին. իմ զեկուցմամբ ԱԱԾ-ն Ա. Փայտյանի, Ռ. Պողոսյանի նկատմամբ հարուցել է թիվ 58214918 քրեական գործը:
14) 2018 թվականի նոյեմբերին Ռ. Քոչարյանի, Ս. Սարգսյանի, Ս. Օհանյանի ցուցումներով, ԱԱԾ-ի պետ Ա. Վանեցյանի հրամանով, քննչական դեպարտամենտի պետի տեղակալ գնդապետ Գրիգորյանը և քննիչ ավագ լեյտենանտ Բալյանը ծիծաղելի պատրվակներով, կրկին փակեցին այդ գործը:
Հատուկ նշեմ ԱԱԾ-ի ՈՐՈՇՄԱՆ ծիծաղելի մի հատված՝ ․․․Քննության ընթացքում Արշալույս Փայտյանը հայտարարեց, որ Ազատ Հովհանիսյանին չի ճանաչել-չի ճանաչում։ Ուստի Ազատ Հովհաննիսյանը տվել է կեղծ ցուցմունքներ գործի վերաբերյալ։ Ծիծաղելի չէ՞ արդյոք, երբ գրքերումս տեղադրված բոլոր փաստաթղթերը հենց Արշալույս Փայտյանի ստորագրություններով ներկայացված էր քննիչին։
Ինչպես նաև արժե ավելացնել՝ եթե ես՝ Ազատ Հովհաննիսյանս, կեղծ ցուցմունքներ եմ տվել ՀՀ բարձրաստիճան սպաների վերաբերյալ, ապա ինչու՞ հենց ԱԱԾ-ը իմ հանդեպ չհարուցեց քրեյական գործ, կեղծ ցուցմունքներ տալու վերաբերյալ։ Թէ՞ այլևս նման ՀՀ-ում քրեական հոդված չկա կեղծ մատնության հոդվածով։
— Աատվելով ԱԱԾ պետի պաշտոնից Ա Վանեցյանը իբրև ընդդիմադիր քաղաքական գործիչ ամիջապես միացավ ու ընդգրկվեց Ռոբերտ Քոչարյանի ու Սերժ Սարգսյանի դաշինքներում։
Կասկած չի մնում, որ Ա. Փայտյանի, Ռ. Պողոսյանի դեմ հարուցված բոլոր 4 քրեական գործերը և այլն, փակվել են պաշտպանության նախարարի օգնական Ալիկ Պետրոսյանի, պաշտպանության նախարար Սեյրան Օհանյանի, ՀՀ նախագահներ Ռոբերտ Քոչարյանի և Սերժ Սարգսյանի, ԱԱԾ պետ Արթուր Վանեցյանի միջամտություններով:
Պայմանավորված այն հանգամանքով, որ 2019 թվականից ի վեր իմ բազմաթիվ դիմումները Նիկոլ Փաշինյանն, ԱԱԾ-ն, ՀՀ դատախազը թողնում են առանց ուշադրության, կասկած չկա, որ այս անգամ քրեական գործը փակվել է հենց Ա. Վանեցյանը համաձայնեցնելով կամ անմիջականորեն Ձեր միջամտությամբ:
Ստացվում է՝ այս բոլոր տարիների ընթացքում գեներալ լեյտենանտ Ա Փայտյանին ու նրա թիմին հովանավորել են վերը նշված բոլոր պաշտոնյաները, այժմ նաև ՀՀ դատախազը և ինքը՝ վարչապետ Նիկոլ Փաշինյա՞նը...
Հարկ է նշել, որ նման աղմկահարույց գործի մասին ԱԱԾ-ի այսպես կոչված հետաքննությունը անցկացվել է ընդամենը 4 ամիս և իբր մեղավորներին չեն հայտնաբերել:
Հատկապես նշեմ, որ ի հեճուկս քննիչ Բալյանի հետ նախկինում ձեռք բերված պայմանավորվածությունների, այսպես կոչված քննչական դեպառտամենտի տեղակալ Գրիգորյանը և քննիչ Բալյանը քննություններն իրականացրել են առանց վկաների մասնակցության, առանց առերեսումների, առանց « ստի դետեկտորի» սարքի, որոնք իրենց իսկ ասելով, իբր արգելված են ՀՀ օրենքներով:
Իսկ ես ու շատերն այս բոլոր տարիների ընթացքում հավատալով վերադաս պաշտոնյաներին, հատկապես վարչապետ՝ Նիկոլ Փաշինյանի պարկեշտությանը, ուզում ենք պարզել իմ և այլ լավագույն մարտիկների զոհվելու, անվերադարձ գերության մեջ մնալու, զենք-զինամթերքների դուրսգրման, ռազմագերիների վաճառքի իրական պատճառը և ռազմական տրիբունալի առջև կանգնեցնել այդպիսի « թունդ գեներալ » Արշալույս Փայտյանին, նրա տեղակալ «գնդապետ» Ռոդեն Պողոսյանին և մյուսներին, և բացահայտել ռազմական հանցագործների ամբողջ շղթան:
Նման անօրինական և ձևական գործողություններով ակնհայտ է դառնում, որ որոշ «հրամանատարների, գնդապետների, գեներալների» մեջ վախ ներշնչելու համար Արցախի հերոս Մանվել Գրիգորյանին քավության նոխազ դարձնելը:
Օրինակ թալանած հրամանատարների հանդեպ, այսպիսի միջոցով՝ դատախազությունը Մանվել Գրիգորյանի ժառանգորդների գույքի բռնագանձման հայցով դիմել էր դատարան։ Հայաստանի դատախազությունը հայց էր ներկայացրել Երևանի դատարան՝ Հանրապետական կուսակցության նախկին պատգամավոր, գեներալ Մանվել Գրիգորյանի ժառանգորդների գույքի բռնագանձման վերաբերյալ: Գերատեսչության տեղեկություններով՝ ապօրինի ծագում ունեցող գույքի բռնագանձման համար գլխավոր դատախազության վարչությունը հայցի շրջանակներում պահանջել է բռնագանձել Գրիգորյանի ժառանգորդների և նրա հետ կապված անձանց գույքերը: Մասնավորապես, դատախազությունը պահանջում է բռնագրավել 28 անշարժ գույք և շինություն, 16 տրանսպորտային միջոց, իսկ դրանց բռնագրավման անհնարինության դեպքում, այդ շինությունների շուկայական միջին արժեքի բռնագանձում՝ 2.552.000.000 դրամ (ավելի քան 6 մլն դոլար): Հայցադիմումը պարունակում է նաև 6 իրավական անձանց բաժնային մասնակցության բռնագանձման, իրավական անձանց 668.160.803 դրամ (ավելի քան 1.6 մլն դոլար փոխառություններ ստանալու իրավունքի պահանջ): Նշվում է, որ հայցը դատարան է ներկայացվել հունիսի 28-ին, վարույթ է ընդունվել հուլիսի 11-ին: Դատախազության տեղեկություններով ՝ սա արդեն 12-րդ հայցն է`ապօրինի ծագում ունեցող գույքի բռնագանձման վերաբերյալ։
Իսկ չթալանած հրամանատարների, ազնիվ կռված տղեքի հանդեպ, այսպիսի միջոցով՝ 2020 թվականի ապրիլի 14-ին՝ առաջին անգամ այս գրեթե 30 տարվա ընթացքում, պատվիրված նամակով (կրկնօրինակը պաշտպանության նախարարին) դիմել եմ (RA71025291RU) Վարչապետ Փաշինյանին խնդրանքով օգնել գոնե իմ բուժման համար՝
= Հայաստանի Հանրապետության վարչապետին (կրկնօրինակը պաշտպանության նախարարին)
ՌԴ, ք. Սամարա 14 ապրիլի 2020 Հեռ. 8 917 037 50 96; էլ. փոստ: az.oganisian@yandex.ru
Պարոն Նիկոլ Փաշինյան և պաշտպանության նախարար, ես՝ Ազատ Կառլենի Հովհաննիսյանս (ծնվ. 1953 թ.), 1991-1993թթ. ներառյալ ղարաբաղյան պատերազմում եղել եմ Հոկտեմբերյանի « Նժդեհ » ջոկատի մասնակից և հրամանատար: Մի քանի անգամ վիրավորվել եմ (թև, ոտք, մեջք, գլուխ) և այլն: «Մարդկանց շնորհիվ՝ որոշ զորահրամանատարներ»՝ Ալիկ Պետրոսյանի, Վազգեն Սարգսյանի, Վանո Սիրադեղյանի և ՀՀՇ կուսակցության մյուս քաղաքական գործիչների, ինչպես շատերը, այնպես էլ ես՝ մեր իսկ կողմից պաշտպանված Հանրապետությունից ստիպված մեկնեցի 1994 թվականին: Ես ապրում եմ Ռուսաստանում ՌԴ քաղաքացի եմ 1995 թվականից: Քանի որ ես Ռուսաստանի մարտական գործողությունների մասնակից չեմ, սկսած 1995 թվականից, բուժվել եմ և մինչ այսօր բուժվում եմ բացառապես սեփական միջոցներով պատերազմում «վաստակած» տարբեր հիվանդություններից:
Վերջին տարիներին ավելի ու ավելի է վատանում առողջությունս:
Առաջարկվում է բուժում հետագա հնարավոր վիրահատություններով՝ լյարդի, թոքերի, սրտի, գլխի, ոտքերի:
Քանի որ, ինչպես հանրապետության նախկին ղեկավարները, այնպես էլ անձամբ Դուք չկատարեցիք և չեք կատարում ձեր պարտքը Հայրենիքի պաշտպանների հանդեպ, ԽՆԴՐՈՒՄ ԵՎ ՊԱՀԱՆՋՈՒՄ ԵՄ՝
Նյութապես օգնել ինձ բուժման համար: Բուժման արժեքը (հնարավոր է, վիրահատություններով) այսօր կազմում է ավելի քան 4 (չորս) միլիոն ռուսական ռուբլի:
Նաև տեղեկացնում եմ, որ ՀՀ տարածքում բուժում անցնելու համար Հայաստանի բյուջեի հաշվին, պատրաստ եմ վերադառնալ և բուժվել Հայաստանի հիվանդանոցներում:
ՀԱՎԵԼՎԱԾՆԵՐ՝ տեղեկանքներ-քաղվածքներ իմ վերքերի մասին թվով ինը թերթ:
Հույսով և հարգանքով՝ պահեստազորի կապիտան
Հովհաննիսյան Ա. Կ.
ԱՆՍՊԱՍԵԼԻ ԷՐ, ԲԱՅՑ ՊԱՏԱՍԽԱՆԵՑԻՆ՝
Sose Mikaelyan sose.mikaelyan@gov.am6 մայիս 2020 դեպի 11:39 Ձեզ az.oganisian@yandex.ru
Ի պատասխան Վարչապետին հասցեագրված Ձեր դիմումի` ափսոսանքով տեղեկացնում ենք, որ ՀՀ վարչապետի աշխատակազմը հնարավորություն չունի Ձեզ ֆինանսապես աջակցելու, քանի որ պետական բյուջեով միջոցներ
նախատեսված չեն: Հայցում եմ Ձեր ներողամտությունը: Հարգանքով, ՀՀ քաղաքացիների ընդունելության և դիմումների քննարկման վարչություն sose.mikaelyan@gov.am Հայաստանի Հանրապետություն, ք. Երևան, 0010, Հանրապետության հրապարակ, Կառավարական տուն 1 Regards, Sose Mikaelyan Republic Square, Government House 1, 0010
Yerevan, Republic of Armenia http://www.gov.am/
Եվ Դուք՝ փաշինյան Ձեր վարչակազմով այսքանից հետո, ձեզ հայ, կամ վառչապետ եք համարում՞։
Անձամբ ես ժամանակին օգնել եմ ձեր կեղծ քայլին, հիմա ընդունում եմ սխալս, ձեզ չեմ համարում ազգի ընտրյալ, և ձեզ հայ չեմ համարում՛։
Ինքստինքյան հարցեր են առաջանում՝
1) Ունենալով բոլոր փաստերը, թե ինչ անձնական շահագռգռվածությունների համար են Ալիկ Պետրոսյանը, Ռոբերտ Քոչարյանը, Սերժ Սարգսյանը, Արթուր Վանեցյանը, բազմիցս ձերբակալելով ազատ արձակել գնդապետ Ռոդեն Պողոսյանին, գեներալ լեյտենանտ Արշալույս Փայտյանին՝ իրենց տափօղակներով, ոչ թե դատեցին, այլ բարձրացրին կոչումները, մեդալներով պարգևատրեցին, և միայն Մանվել Գրիգորյանին ՝ առանց հատուկ քննության, առանց դատարանի, առանց ռազմական տրիբունալի (եթե ճիշտ է այն ամենը, ինչ ցույց են տալիս հեռուստատեսությամբ), հասցրին մահվան:
Ուրեմն, ասենք թէ՝ Փաշինյանը պատժել է գեներալ-հերոս մաֆիոզ Գրիգորյան Մանվելին, ապա ինչու՞ Մանվելից ոչնչով չտարբերված որոշ հրամանատարներին չի դիպչում, և նույնիսկ խրախուսում է։ ՈՐՏԵ՞Ղ Է ՓԱՇԻՆՅԱՆԻ ԱՐԴԱՐՈՒԹՅՈՒՆԸ, ՈՐՏԵ՞Ղ Է ՏՐԱՄԱԲԱՆՈՒԹՅՈՒՆԸ։
Նման աղմմկահարույց աղմկահարույց քրեական գործերը փակելու համար անհրաժեշտ են կտրուկ, հիմնավորված դրդապատճառներ:
Վերը շարադրածի հետ կապված, ՀԱՐՑԵՐ ԵՆ ԱՌԱՋԱՆՈՒՄ, ՀՀ դատախազին, ԱԱԾ-ի պետին, ՀՀ վարչապետին՝
1) Ի՞նչ հիմքերով, ՀՀ ո՞ր օրենքներով, խախտելով միջազգային բոլոր նորմերը, ԱԱԾ-ն ՌԴ քաղաքացուն՝ Ազատ Հովհանիսյանին կանչում է Հայաստան, հարցաքննության:
2) Ին՞չ օրենքով (քննիչ Բալյանի խոսքով) է Հայաստանում արգելված վկաների եւ մեղադրյալների միջեւ առերեսումները:
2.1.) Որպես ապացույց կրկին ՆՇԵՄ՝ 2 անգամ ինձ հարցաքննության ընթացքում, քննիչը բազմաթիվ անհիմն հարցեր տվեց բրիգադի հրամանատար գենեռալ Մանվել Գրիգորյանի վերաբերյա, որի ընթացքում, խնդրեցի առերեսում կատարել իմ և բրիգադի հրամանատար Մանվել Գրիգորյանի միջև, որը այդ պահին գտնվում էր ԱԱԾ-ի նկուղոմ, սակայն քննիչը առարկեց հիմնվելով ՀՀ օրենքի վրա, որ արգելված են նման առերեսումները։
3) Ի՞նչ օրենքներով են ՀՀ-ում արգելված վկաների և մեղադրյալների ցուցումների իսկությունը ստուգել «ստի դետեկտորի» սարքի միջոցով։
4) Չնայած մինչ այօր իմ հնչեցրած բոլոր խնդրանքներին, պահանջներին ԱԱԾ-ն, ՀՀ դատախազը, ինքը՝ Փաշինյանը, ինչու՞ են թաքցնում, չեն արձագանքում նման աղմկահարույց գործին։
Հաշվի առնելով 44-րդ օրվա պատերազմի վերջին իրադարձությունները, զոհված երեխաների մեծ թվերը, զինատեսակների անբավարարությունները, արյունով ազատագրված հողերի փուլային հանձնումը, և ոչ միայն, ես և բնականաբար բոլոր իրականում կռվածները, ժողովրդի մեծամասնությունը, կարծիքներ ունենք, որ անպատժելիությունները, նախկին զորապետերին պաշտպանելու պատճառները, ընդհուպ՝ Հանրապետության ղեկավարության կողմից դավաճաննություններ չբացահայտելու ցանկությունը, 30 տարվա նույն սխալների շարունակություններն են այսօր։
ՎԵՐԸ ԹՎԱՐԿԱԾԻՆ ՈՐՊԵՍ ՀԱՍՏԱՏՈՒՄ ՇԱՐԱԴՐՐՈՒՄ ԵՄ՝
1) 44-օրյա մարտերից հետո ԵԿՄ հրամանատար Սասուն Միքայելյանը լրագրողների և ողջ աշխարհի առջև հայտարարեց. «հիմա ես ճանաչում եմ բոլոր դավաճաններին: 3-5 օր հետո ես նրանց անունները կհայտարարեմ: նրանք բոլորը պետք է պատասխանեն »:
Արդյունքում մինչ այսօր, քար լռություն:
2) Հետո դուք ՝ Փաշինյա'ն, լրագրողների և ամբողջ աշխարհի առջև հայտարարեցիք՝ մեզ հայտնի են բոլոր դավաճանները։ ՀԱՐՈՒՑՎԵԼ Է 1 300 ՔՐԵԱԿԱՆ ԳՈՐԾ։ ՆՐԱՆՔ ԲՈԼՈՐԸ ԿՊԱՏԱՍԽԱՆԵՆ:
Արդյունքում մինչ այսօր, քար լռություն: Չբացահայտվեցին ոչ մի դավաճան։
Հարկ է նշել, որ, ԱԱԾ-ի այսպես կոչված նման աղմկահարույց թիվ 58214918 գործի հետաքննությունը անցկացվել է ընդամենը 4 ամիս, և, իբր, մեղավորներ չեն հայտնաբերվել:
Հատկապես նշեմ, որ ձեր ելույթից և ԵԿՄ պետ Ս. Միքայելյանի ելույթից հետո լրագրողների և ամբողջ աշխարհի առջև, անցել է գրեթե 3 տարի, և նույնպես ոչ մի մեղավորներ չհայտնաբերվեցին:
համոզված եմ, որ դուք՝ նիկոլ փաշինյա'ն, գիտեք, թե ձեր անընդմեջ բացթողումները, ինչով է սպառնում հանրապետությանը և ժողովրդին։ Նորից օրինակ՝
1) Ադրբեջանը դատի է տվել Հայաստանի Հանրապետությանը, որ 30 տարվա ընթացքում օգտագործել է Ղարաբաղի և 7 գրավված հարուստ շրջանների հարստությունը։ Պահանջում են փոխհատուցում:
2) Քանի որ, իբր դավաճաններ չկան, և իբր հայտնի չէ, թե ովքեր են օգտագործել Ղարաբաղի և 7 հարուստ շրջանների հարստությունները, վնասը փոխհատուցելու ոչինչ չի լինի, համապատասխանաբար Հանրապետություն-Ժողովուրդը պետք է փոխհատուցի Հայաստանի որոշակի տարածքների հանձնմամբ...
ԻՆՉԸ և ՆԵՐԿԱՅՈՒՄՍ, ԱՐՎՈՒՄ Է:
ՀԵՏևԱԲԱՐ, ՄԵԶԱՆԻՑ, ԲՈԼՈՐ ԺԱՄԱՆԱԿՆԵՐԻ ԶՈՀՎԱԾ, ՎԻՐԱՎՈՐՎԱԾ ՏՂԱՆԵՐԻ ԱՆՈՒՆԻՑ, ՄԵՆՔ ՊԱՀԱՆՋՈՒՄ ԵՆՔ՝
1) թիվ 58214918 քրեական գործի ապօրինի փակման և հետևյալ հարցերի հիման վրա՝ հեռացնել աշխատանքից, ընթացքում քրեական գործ հարուցել ԱԱԾ նախկին պետ Ա. Վանեցյանի, քննչական դեպարտամենտի պետի տեղակալ գնդապետ Գրիգորյանի, քննիչ ավագ լեյտենանտ Բալյանի նկատմամբ:
1.1.) Ի՞նչ հիմքերով, ի՞նչ օրենքներով է ՀՀ-ում հարցաքննության կանչվել ՌԴ քաղաքացի Ազատ Հովհաննիսյանը:
1.2.) Ինչու՞ են գործը փակել նման ծիծաղելի դրդապատճառներով, իբր գեներալ Փայտյանը ինձ՝ Հովհաննիսյանիս չի ճանաչում, և ես կեղծ ցուբմունքներ եմ տվել ՀՀ վերադաս զորավարների դեմ, երբ իմ գրքի-հուշերում՝ « Գողացված հաղթանակներ » որոնք փոխանցված են ԱԱԾ քննիչին, ՊՆ , ՀՀ կառավարության ընդունարան կցված բոլոր փաստաթղթերով, ապացուցում են, որ ք. Հոկտեմբերյանի «Նժդեհ» ջոկատը՝ ի դեմս հրամանատար Ա. Կ. Հովհաննիսյանի, և ք. Կիրովականի «Նժդեհ » ջոկատը՝ ի դեմս հրամանատար Արշալույս Փայտյանի, համատեղ մասնակցել են մարտական գործողություններին 1992 – ից 1993 թվականները ներառյալ:
1.3.) Ինչո՞ւ ինձ՝ Ազատ Հովհաննիսյանի հանդեպ, ով իբր կեղծ ցուցմունք էր տալիս վերադաս զորապետերի դեմ, զրպարտության համար քրեական գործ չի հարուցվել։
1.4.) Ի՞նչ փաստերով չեն հաստատվել Հովհաննիսյանի կողմից բերված ապացույցները:
1.5.) Ի՞նչ օրենքներով, ու՞մ շահերով են Հայաստանում արգելված առերեսումները, « ստի դետեկտորի» վրա ստուգումներ անցկացնելը:
1.6.) Ինչո՞ւ է ԱԱԾ-ն հրաժարվում դիմողին ուղարկել տվյալ գործով իրականացված հետաքննությունների վերաբերյալ փաստաթղթերի բոլոր պատճենները, իսկ ՀՀ դատախազն ու վարչապետն էլ, չեն արձագանքում:
1.7.) Պարզաբանել՝ ինչ՞ նպատակներով են վերոհիշյալ ղեկավարները փակել-փակում այս, և նմանօրինակ աղմկահարույց քրեական գործերը։
-
«ԳՈՂԱՑՎԱԾ ՀԱՂԹԱՆԱԿՆԵՐ» գրքի-հիշողությունների հիմքերով, վերսկսել թիվ ԹԻՎ 58214918 քրեական գործը, հանցագործներին կանգնեցնել ռազմական դատարանի առաջ։
-
Բազմակողմանի հետաքննություն անցկացնել՝ համաձայն այս «գողացված հաղթանակներ»" գրքում առկա և այլ փաստաթղթերի, որոնք հարցաքննությունների ընթացքում, ես փոխանցել եմ աած՝ քննիչ բալյանին..
-
Բազմակողմանի հետաքննություն անցկացնելիս` գործը վերցնել անձնական հսկողության տակ, առերեսումներ կատարել իմ բոլոր նշված – նշվող վկաների հետ, ցուցմունքներ անցկացնել անկախ կազմակերպության «ստի դետեկտորի» վրա։
-
Թույլ տալ անկախ լրագրողների, իրավապաշտպանների, դիտորդների, գրողների, իրավաբանների, իմ կողմից նշված – նշվող պատերազմների մասնակիցների ներկայացուցիչների մասնակցությունը:
Համոզված եմ՝ անշահախնդիր հետաքննության ընթացքում, կբացահայտվեն 30 տարվա նմանօրինակ չբացահայտված, թաքցված այլ գործողություններ։
Հավելված:
1) գիրք-հուշեր հայերեն (pdf): http://artofwar.ru/img/o/oganisjan_a_k/text_0040/ogan.pdf
Ա․Կ․ Հովհաննիսյան 27 նոյեմբեր 2022թ․
