ՍԻՐՈ ԵՐԿԵՐ
ԱՉԻԿՆԵՐԸ ՔՈ ՍԻՐՈՒՆ
Աչիկներով քո սիրուն
Ինձ գերեցիր դու իսկույն ,
Կապույտ ասե՞մ, թե՞ կանաչ,
Ո՞ր գույնին ես հավատամ:
Երկնագույն է մեկ դառնում,
Մոխրանում է, կանաչում,
Եւ գույներն է փոխում հաճախ
Քո աչքերը բազմաթափանց:
Քո աչքերի գույներում,
Մոլորվում եմ ես իսկույն
Քո աչքերով երփներանգ
Ձոն եմ գրում շարունակ:
14/05/2012 թ.
ՀԵՌՈՒ ԵՄ, ԱՎԱ՜Ղ
Գարուն է այստեղ` ծառերն են ծաղկել,
Սակայն իմ հոգում խոր աշուն է դեռ,
Հեռու եմ, ավա՜ղ, սիրածս էակից`
Կարոտն է տանջում բաժանման օրից:
Մինչդեռ փոթորկվող հողմերն անընդհատ
Կռիվ են տալիս գլխումս շարունակ`
Երբ կգա օրը սիրո հանդիպման,
Ե՞րբ քեզ կգրկեմ, սե՛ր իմ տանջահար:
Կգա գարունը մեր կյանքում հարկավ`
Այդպես է կարգել փառավոր Աստված,
Խոր ձմռան բուքը հեռու է գնում,
Երբ գարնան գալստյան շեփորն է հնչում:
Չարն իր չարության հրով է այրվում,
Բարին միշտ հաղթում է, այդպես է լինում,
Ու կյանքում եղավ փորձությունն այս,
Սերը հավերժ է` այսպես անբաժան:
13/05/2012 թ.
Հեղինակային իրավունքների պաշտպանություն Սույն բլոգ-կայքի հեղինակային իրավունքները պատկանում են դրա հեղինակին՝ Վարդան Հովհաննիսյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը azatamartiki-hishatakaran.jimdo.com -ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածայինլրատվամիջոցներում առանց azatamartiki-hishatakaran.jimdo.com -ին հղման արգելվում է: